Varaafl / Vararafstöð á kúabúum

Í nútíma kúabúskap á Íslandi er rafmagn ekki valkostur – það er forsenda rekstrar. Allt frá mjöltum yfir í fóðurkerfi, loftræstingu og vatnsveitu er háð stöðugri raforku. Þess vegna er vara rafstöð ekki lengur aukabúnaður heldur nauðsynleg fjárfesting fyrir hvert kúabú.

Reglugerðir gera kröfu um varaafl

Samkvæmt reglum um dýrahald á Íslandi ber bændum að tryggja að dýr verði ekki fyrir skaða vegna bilana í búnaði eða rafmagnsleysis. Í framkvæmd þýðir þetta að kúabú þurfa að hafa aðgang að varaafli sem getur haldið lykilkerfum gangandi ef rafmagn dettur út.

Í íslenskum aðstæðum, þar sem að raforkukerfið er tiltölulega veikt, veður getur raskað raforkudreifingu ásamt því að kerfið getur þarfnast nauðsynlegs viðhalds með litlum fyrirvara, er þetta sérstaklega mikilvægt. Varaaflslaus bú eru einfaldlega berskjölduð.

Hvað gerist ef rafmagnið fer?

Rafmagnsleysi á kúabúi hefur strax áhrif – og þau eru ekki lítil:

• Mjaltir stöðvast

• Mjólk getur skemmst

• Fóðrun getur truflast

• Vatnsleysi getur skapast

• Loftræsting stoppar

Þetta er ekki bara óþægindi – þetta getur haft varanleg áhrif á nyt, heilsu dýra og rekstur búsins.

Dýravelferð og nyt fara saman

Góð dýravelferð er undirstaða góðrar framleiðslu. Kýr sem verða fyrir streitu, verkjum eða óreglu í daglegum venjum skila minni nytjum og eru líklegri til að veikjast.

Með vara rafstöð tryggir þú:

• Reglulegar mjaltir, óháð rafmagnstruflunum

• Stöðuga kælingu á mjólk

• Áreiðanlega fóðrun og vatnsveitu

• Heilbrigt umhverfi í fjósinu

Þetta er einfaldlega trygging fyrir stöðugum rekstri og heilbrigðum bústofni.

Vara rafstöð – fjárfesting sem borgar sig

Margir horfa á vara rafstöð sem kostnað. Raunin er sú að hún er ein ódýrasta tryggingin sem kúabóndi getur keypt.

Eitt rafmagnsleysi getur kostað:

• Tapaða mjólkurframleiðslu

• Dýralækningakostnað

• Minnkaða framtíðarnyt

• Tjón á búnaði

Í samanburði við það er varaaflsstöð lítil fjárfesting sem ver bæði tekjur og rekstur.

Rétt lausn fyrir íslenskar aðstæður

Við bjóðum upp á öflugar og áreiðanlegar vara rafstöðvar sem henta sérstaklega vel fyrir kúabú og annan landbúnað. Lausnirnar eru hannaðar með íslenskar aðstæður í huga – einfaldar í notkun, traustar og tilbúnar þegar á reynir. Lagt er upp með sjálfvirkni stöðvanna, þær ræsa sig sjálfar og koma rafmagni á búið á innan við mínútu.

D-Gen vararafstöð frá Tól og Tæki. Eingöngu vörur af hæsta gæðaflokki eru fluttar inn.